Toerusting-en-Opleiding

Oor al die jare was leierskap opleiding en ontwikkeling baie belangrik vir Vredelust Gemeente

– ‘n kerk en gemeente is net so sterk soos sy leierskap.

Die Vredelust Leierskap Akademie het tot stand gekom toe ons besluit het om ons klem op leierskap uit te brei na die breë kerk en gemeenskap.

Die Akademie funksioneer veral op vier vlakke:

Binne die gemeente: opleidingsprogramme soos van tyd tot geskeduleer.
Kerkplantingskool: in samewerking met Northland Gemeente (Orlando, VSA) en Antioch School of Church Planting and Leadership Development word teologiese opleiding verskaf aan persone wat ‘n hart het om kerke te plant. Volledige akademiese akkreditasie word verskaf vanaf ‘n Sertifikaat tot Meestersgraad. Daar is huidiglik tien student ingeskryf.
Streekbyeenkomste ongeveer twee keer per kwartaal vir gemeentes wat belangstel om meer te leer van hedendaagse geestelike leierskap en praktiese kerkwees.
Tyd spandeer twee maal per jaar vir drie dae met jong leraars van die NG Kerk (onder 35 jaar oud) ten einde insette te lewer oor verruimde paradigmas in veral die praktiese funksionering van ‘n kerk vir die toekoms.

Hoe ver het jy al ontwikkel op die pad van geestelike volwassenheid?

Hierdie dissipelskap kursus gebasseer op die Volg Jesus boekie sal jou “stretch” om nie net die basics te doen nie, maar die verskillende fases van geestelike groei te verstaan en regtig by die diep dinge van die Woord uit te kom.

Volg Jesus is 'n basiese dissipelskap program wat begin by 'n eenvoudige (Bybelstudie) boekie [genaamd "Volg Jesus"] wat dien as vertrekpunt vir verdere gesprek.

Jy werk die boekie op jou eie deur (een afdeling op 'n slag of in sy geheel), waarna 'n kursusaanbieder die materiaal verder met jou bespreek vir dieper insig en persoonlike aanwending. Hierdie gesprekke kan plaasvind in 'n formele kursus omgewing of op individuele basis.

Die "Volg Jesus" boekie is beskikbaar in die Media Sentrum by Vredelust Gemeente @ R30 en is in Engels en Afrikaans beskikbaar.