Re: Christenskap die enigste ware geloof, of blote arrogansie?

Die vraag oor ander gelowe is een wat my ook gepla het. Ek stem saam dat baie Moslems groot commitment wys. Commitment beteken egter nie dat jy committed aan die waarheid is nie, dit beteken slegs dat jy committed is. Verder leef Moslems dikwels in hoogs morele lewe. Dit is egter nie relevant nie, ook ateiste kan 'n morele lewe leef. Die doelwit van die Christelike godsdiens is in elk geval 'n vehouding met God waarby liefde betrokke is, nie 'n koue afgedwonge moraliteit nie. Die vraag is of dit na die ware God lei, dus of dit die waarheid is. Wanneer ander godsdienste bekyk word raak dit gou duidelik dat God baie anders in elk van die godsdienste is. Ook dat ander godsdienste nie naasteby realiteit soos ons dit ken verduidelik nie en ook nie oplossings vir die menslike toestand bied nie. Daar is verder fatale inkonsekwenthede in die Moslem geloof, 'n miskenning van realiteit in Buddisme, 'n miskenning van die vervulling van profesiee in Judaisme en die Hinduisme het meer as 330 miljoen persoonlike gode of godinne (Hinduisme het egter verskeie vertakkings). Die Christelike geloof, Islam en Judaisme is eksklusiewe gelowe. Nie een sluit die moontlikheid in dat ander gelowe ook reg is nie.

Re: Christenskap die enigste ware geloof, of blote arrogansie?

Ek verkies om uit 'n totaal ander hoek na die saak te kyk. Indien ons verskillende gelowe met mekaar wil vergelyk, dan sal Christenskap seker maar gemiddeld vaar itv sy aanspraak op die enigste regte manier. So ek vermoed mens moet dalk nie eers in daardie rigting beweeg nie.

Die Jesus van Nasaret wat ons in die Bybel kry het nooit probeer om 'n nuwe godsdiens te begin nie en het ook nie probeer om die godsdiens van die dag reg te ruk nie. Hy het bloot 'n nuwe lewenswyse kom demonstreer. 'n Lewe totaal onder die beheer en heerskappy van die Koning van die heelal. Daarom was sy eerste woorde van publieke bediening "Bekeer julle, want die koninkryk van die hemel (maw die God van die hemele wat nou persoonlik in jou hart heers) het naby gekom" Matt 4:17

Jesus het unieke uitsprake gemaak en mense genooi om Hom te volg. As jy Christenskap as 'n sistematiese godsdienstige sisteem behandel en dan ander probeer oorreed dat jou raamwerk die enigste waarheid is, sal jy beslis arrogant wees.

Maar as Jesus die waarheid gepraat het toe Hy gesê het: "Ek het gekom sodat hulle die lewe kan hê, en dit in oorvloed" (Joh 10:10), dan stem ek saam met Paulus - "Ek skaam my nie oor die evangelie nie, want dit is 'n krag van God tot redding van elkeen wat glo" (Rom 1:16)

Re: Christenskap die enigste ware geloof, of blote arrogansie?

Ek stem saam met al die geestelike dinge wat Jesus kom doen het. Die vraag is egter of iemand wat toegewyd is aan Islam sy geloof gaan verander net omdat ek 'n ander opinie oor die saak het? Is dit reg om sulke mense te "brand" as verlore en hulle te probeer oortuig dat jy eintlik die regte waarheid beet het? Daar moet 'n beter benadering wees.

Die sleutel lê vir my opgesluit in Jesus se benadering tot sy eie bediening. Die volgelinge van Jesus is presies hieraan uitgeken (hulle assosiasie met en geloof in die persoon Jesus en hulle volgelingskap van Hom en die lewenswyse wat Hy kom demonstreer het). Hulle is dan ook genoem "People of the Way" Hand 9:2. [Christen is 'n tag wat later aan hulle gegee is deur hulle wat gekies het om nie vir Jesus te volg nie.]

Gemeet aan God se standaard was ekself ook verlore voordat ek hierdie Jesus en hierdie Weg ontdek het, hoewel ek 'n baie toegewyde "Christen" (gehoorsaam aan die reëls van die Christelike godsdiens) was. Dit maak dus nie saak hoe toegewyd jy is nie, want dis nie die regte meetsnoer vir 'n verhouding met die Lewende God en skepper van die heelal nie. Heb 11:6 sê - "But without FAITH it is impossible to please Him (God)... Die meetsnoer is dus NIE TOEWYDING NIE maar GELOOF.

Jesus se bediening het "verlore" mense soos 'n magneet aangetrek en godsdienstige mense die herrie in gejaag. So ons moet aanneem Hy het die regte benadering gehad. As ons dus ons benadering tot GELOOF IN CHRISTUS kan regkry is ons koppe deur.

Lei alle paaie regtig na Rome?

Thanx MAS, ek dink dis 'n belangrike perspektief dat elke geloof sy eie eindbestemming het - en daardie eindbestemmings verskil hemelsbreed van mekaar (excuse the pun!)

Nou ontstaan die vraag natuurlik of jy Jesus (die lewende Woord) en die Bybel (die geskrewe Woord) aanvaar as die ware openbaring van God aan die mens?

Indien wel, is daar net 2 eindbestemmings- daaroor is die Bybel baie duidelik: Die pad wat deur Jesus gaan, lei na Yahwe (Die HERE / God die Vader / the Creator of the Universe) Alle ander paaie lei na Rome (die god van hierdie wêreld, die Vader van die leuen, the "Great Architect of the Universe")

Indien jy nie dink Jesus is die "Enigste Weg na die Vader" nie, sal jy een vir een deur al die ander gelowe moet sif om uit te figure wat elkeen se teorie is oor die ewigheid en of jy bereid is om dit te waag om dalk daar op te eindig.

Wat van hulle wat nie gehoor het nie?

Net om terug te kom na Piet se tweede vraag - wat van die mense wat nooit gehoor het nie?

Daar is wel 'n vorm van "escape clause" in Romeine 1 wat daarop dui dat God sy eie manier het om te oordeel oor mense wat regtig nie 'n geleentheid gehad het om die boodskap van verlossing in Jesus te hoor nie. (Vir 'n goeie verstaan hiervan lees gerus die hele Rom 1 tot 3)

Maar die Here is ten volle bewus van hulle almal en sal hulle regverdig behandel. Die verantwoordelikheid vir mense om die waarheid te hoor lê in elk geval nou by ons as gelowiges - God het daardie opdrag aan ons gegee. En Hy het alles aan ons gegee om dit ordentlik te kan doen, so Hy is nie te blameer as ons 'n swak job daarvan maak nie.